БИШКЕК, 19-апр. — Sputnik. "Ош" эл аралык аэропортунун учуп-конуу тилкеси 2017-жылы 400 метрге чейин узартылат. Ага 500 миллион сомго чейин каражат кетет. Бул тууралуу "Эл аралык "Манас" аэропорту" ААК башкармалыгынын төрагасы Эмир Чукуев "Ош" аэропортунун жаңы имаратынын ачылышында билдирди.
Маалыматка ылайык, "Ош" аэропортунда 2011-жылдан тарта бүгүнкү күнгө чейин учуп-конуу тилкесин оңдоо иштери этап-этабы менен аэропорттун жеке каражатынын эсебинен жүрүүдө.
Ал оңдоо иштери туруктуу өнүгүүнүн Улуттук стратегиясынын алкагында жасалып жатканын кошумчалады.
Чукуев ошондой эле аэровокзалдык комплекс 900 чарчы метрге кеңейгенин айтты. Андан сырткары, ал эгер аэропорттун абалы начар болсо башка мамлекеттин учактары келбей турганын баса белгиледи.
