БИШКЕК, 14-апр. — Sputnik. Кыргызстан менен Өзбекстан ШКУ алкагында алаканы кеңейтүүгө даяр экени эки өлкөнүн Коргонуу кеңешинин катчыларынын жолугушуусунда айтылды. Бул тууралуу КР Коргоо кеңешинин катчылыгы билдирди.
5 Чын Куран 2016, 20:02
Белгилей кетсек, Өзбекстандын борбору Ташкент шаарында ШКУга мүчө мамлекеттердин Коопсуздук кеңешинин катчыларынын боло турчу жолугушуусунун алкагында Кыргызстандын Коргоо кеңешинин катчысы Темир Жумакадыров менен Өзбекстандын президентинин алдындагы Коопсуздук кеңешинин катчысы Виктор Махмудов 13-апрелде жолуккан.
Тараптар аймактык коопсуздук боюнча пикир алышып, кыргыз-өзбек мамилесиндеги эки тараптуу актуалдуу маселелерди талкуулашты.
Ошондой эле эки мамлекеттин компетенттүү органдарынын тыгыз кызматташтыгынын маанилүүлүгү жана учурда болгон кайчы пикирлерди чечүүдө ийкемдүү жол издеп, Кыргызстан менен Өзбекстандын коңшулук мамилесин чыңдоо керектиги айтылды.
ШКУга мүчө мамлекеттердин Коопсуздук кеңешинин катчыларынын 11-жолугушуусу бүгүн Ташкент шаарында өтүүдө.
