БИШКЕК, 13-апр.—Sputnik. Үстүбүздөгү жылдын 14-16-апрелинде Баялинов атындагы балдар жана жаштар китепканасында Россиянын билим берүү боюнча III жармаңкеси өткөрүлөт. Бул тууралуу РФтин Кыргызстандагы илим жана маданият борбору билдирди.
Маалыматка ылайык, иш-чарага Россиянын 10 жогорку кесиптик окуу жайы катышат. Алар презентация өткөрүү менен Бишкек шаары жана Чүй облусунун мектеп окуучуларына сынамык тестирлөө жүргүзүшөт.
Семинар менен тестирлөөнүн тартиби Росскызматташуунун Кыргызстандагы өкүлчүлүгүнүн сайтына жарыяланат.
Көргөзмө эртең менен саат 10:00дөн кечки саат 18:00гө чейин уланат.
Иш-чара Росскызматташуунун Кыргызстандагы өкүлчүлүгү, Билим берүү жана илим министрлиги, Баялинов атындагы балдар жана жаштар китепканасы, ошондой эле "Москва классикасы" коомдук фонду Бишкек шаардык билим берүү башкармалыгынын колдоосу менен өткөрүлгөнү жатат.
