БИШКЕК, 10-мар. — Sputnik. Данияда Кыргызстандын экономикасына инвестиция салуу маселелери каралып жатканын парламенттин маалымат кызматы билдирди.
Жогорку Кеңештин коалиция лидери Чыныбай Турсунбеков башында турган делегациясы Копенгагенде Даниянын Тышкы иштер министрлигинин департамент башчысынын орун басары Аллан Кристенсен жана бир катар чиновниктер менен жолугушту. Анда Турсунбеков эки өлкөнүн ортосундагы товар жүгүртүүнүн төмөнкү деңгээлин белгилеп, экономикалык кызматташуунун өнүктүрүү зарылдыгын кошумчалады.
"Мындан улам Кристенсен резиденциясы Москвада жайгашкан Даниянын элчисине Кыргызстанга жергиликтүү компанияларды тартуу жолун аныктоону тапшырды", — деп айтылат билидрүүдө.
Мындан тышкары, тараптар ардактуу консул институтун түзүү муктаждыгын белгилешти.
