БИШКЕК, 4-мар. — Sputnik. Германиядагы кыргызстандыктар Бонн шаарында Нооруз майрамын белгилеп, ага Европадагы мекендештерди чакырып жатканын "Замандаш" ассоциациясы билдирди.
Маалыматка ылайык, 19-мартка белгиленген Nooruz 2016 in Bonn аттуу иш-чара Kyrgyz Club-Germany Кыргызстандын Германиядагы элчилигинин колдоосу менен өткөрүүдө.
"Иш-чарада Кыргызстандан чакырылган өнөрпоздор ырдап, "Ыр кесе", "Аркан тартуу", "Акыйнек", "Кол күрөш" сыяктуу оюндары өтөт. Мындан тышкары, чүкө оюндарынын түрлөрү ойнолуп, ар кандай сынактар тартууланат", — деп айтылат билдирүүдө.
Уюштуруучулар майрамга Европадагы кыргызстандыктардын баарын чакырууда.
