БИШКЕК, 1-мар. — Sputnik. "Кыргызкөмүр" мамлекеттик ишканасы 12,6 миллион сомдук финансылык эреже бузганын Эсеп палатасынын маалымат кызматы билдирди.
Мындай мыйзам бузуу 2013-жылы 1-июлдан 2014-жылдын 31-декабрына чейинки ишмердүүлүгүн текшерүү учурунда аныкталган.
Анын ичинен 8,1 миллион сомдук баалуу материалдардын жана 4 миллион сомдук 1 730 тонна көмүрдүн эсеби чыкпай калган.
Келтирилген чыгымдардын 8,4 миллион сому мамлекетке кайтарылган.
Эсеп палатасы бул факты боюнча УКМКнын коррупцияга каршы күрөшүү кызматына берилгенин кошумчалады.
