БИШКЕК, 16-фев. — Sputnik. Роботтордун айынан Кытай менен Индиянын жарандарынын көпчүлүгү 25 жылдан кийин ишсиз калуу коркунучу бар. Бул тууралуу окумуштуулар Вашингтондо өткөн жыйналышта билдиришти.
Акыркы жылдары окумуштуулардын көпчүлүгү алардын ичинде белгилүү физик Стивен Хокинг робботор адамзатка пайдадан мурда көйгөй жаратаарын айтышат.
Моше Варди аттуу окумуштуу кесиптештери менен биргеликте жасалма интеллекттин экономикага жана адамдардын жашоосуна тийгизген таасирин изилдеп көрдү.
Буга ылайык, дүйнө жүзү боюнча бош отуруп калган адамдардын саны 50-60 пайызга чейин жогорулап кетүүсү ыктымал.
Мындай өзгөрүүлөр Индия менен Кытай жарандарына басымдуу таасир этерин окумуштуулар кошумчалайт.
Саясатчылар жасалма интеллекттин өнүгүшү миңдеген адамдарды ишсиз калтырса, элдер эмне менен алек болоорун азыртадан ойлонуш керек деп эскертет.
