Россиялыктар аракты аз ичип калганын ЖМКлар жазып чыгышты

БИШКЕК, 15-фев. — Sputnik. Спирт ичимдиктеринин кымбаттаганынан улам Россиянын тургундары аракты аз ичип калганын РИА Новости агенттиги "Известия" басылмасына шилтеме берүү менен билдирди.

2015-жылы россиялыктар мурдагы жылкыга салыштырмалуу 5,3 пайызга аз ичишкен. Өзгөчө джин жана текила ичимдиктерин ичүү 20,3 пайызга азайган.

Басылманын маалыматына ылайык, төмөндөө бир гана көлөм жагынан эмес, каржылык жактан да болгон. Сатып алуучулар 2014-жылга салыштырмалуу спирт ичимдиктерине 1,5 пайыз аз каражат коротушкан. Nielsen компаниясынын аналитиктери белгилегендей, импорттолгон товардын кымбатташынан улам жергиликтүү продукциялар көп сатып алынууда.

Буга чейин Россиянын Саламаттык сактоо министрлигинин алдындагы психиатрия жана наркология боюнча федералдык медициналык изилдөө борборунун директору Татьяна Клименко дагы спирт ичимдиктерин колдонуу бир кыйла төмөндөгөнүн билдирген. Эгер 2014-жылы ар бир жаранга бир жылда 13,5 литр спирт ичимдиги туура келсе, 2015-жылы анын көлөмү эки литрге чейин азайган. Мындай көрүнүш түндө спирт ичимдигин сатууга тыюу салынгандан кийин кескин байкалган.