БИШКЕК, 8-фев — Sputnik. Борбор калаада өспүрүмдөр 30 жаштагы аялды тоноп кетишти. Бул тууралуу Бишкек шаардык Ички иштер башкармалыгы билдирди.
Маалыматка ылайык, окуя саат 19.30 чамаларында болгон. Белгисиз адамдар Чүй проспектисинде жайгашкан дүкөнгө кирип барып, сатуучу аялды коркутуу менен 7 миң сом акчасын алып кетишкен.
Аталган окуя боюнча Кылмыш кодексинин 167-беренеси (тоноочулук) боюнча кылмыш иши козголгон. Милиция кызматкерлери оперативдик иликтөө иштеринин жыйынтыгында 17 жана 16 жаштагы өспүрүмдөрдү кармаган. Иликтөө иштери уланууда.
