БИШКЕК, 1-фев. — Sputnik. Бишкекте ЦУМга бомба коюлгандыгы тууралуу айткан жаран кармалганын ШИИБ билдирди.
28 Үчтүн айы 2016, 11:47
Маалыматка ылайык, укук коргоо органдарына бомба тууралуу ишемби күнү маалымат түшкөн. Текшерүүгө чыккан топ маалыматтын жалган экенин аныкташкан.
Ыкчам-иликтөө иштеринин натыйжасында кылмышка шектүү катары 58 жаштагы жаран кармалды. Суракка алынган жаран "милиция кызматкерлери ушунча шамдагай экенин" билген эмес.
Учурда бул боюнча Кылмыш жаза кодексинин 228-беренесинин (Теракт тууралуу жалган маалымат таратуу) негизинде кылмыш ишин козгоо каралып жатат. Мыйзам боюнча, жалган маалымат тараткан адам үч жылга чейин эркинен ажыратылышы мүмкүн.
