БИШКЕК, 27-янв. — Sputnik. Кыргызстандык ишкерлер менен Кытайдын Гуандун провинциясы тыгыз алака-катнаш түзүп, кызматташууну арттырмакчы. Бул туурасында КРдин ишкерлер жана өнөр жайчыларынын Гуанчжоу шаарына болгон сапарында сүйлөшүлдү деп билдирди ТИМдин маалымат кызматы.
Аталган бирикменин президенти Сагымбаев башында турган делегация Гуандун провинциясынын эл аралык соода боюнча комитетинин, тармактык ассоциацияларынын жана курулуш материалдарын чыгаруучу бирикменин жетекчилери менен жолукту.
Сагымбаев жолугушуу учурунда ЕАЭБге киргенден кийин аталган бирикмеге мүчө өлкөлөр арасында ошол аймакта иш алып барган чет элдик субъектилерди колдоо үчүн атайын иштиктүү кеңеш түзүлгөндүгүн айтып берди.
Ал Кытайдын аймактары менен тыгыз кызматташуу максатында Пекин, Гуанчжоу жана Сиань шаарларында КРдин ишкерлер жана өнөр жайчыларынын өкүлчүлүгүн ачыла тургандыгын маалымдаган.
