БИШКЕК, 25-янв. — Sputnik. Ош — Баткен унаа жолундагы автокырсыктан каза болгондордун экөөсү өзбек, бирөөсү кыргыз жараны экенин Sputnik Кыргызстан агенттигине Баткен облустук ички иштер башкармалыгынан билдиришти.
Үстүбүздөгү жылдын 23-январь күнү аталган унаа жолдо эки жеңил унаа менен жүк ташуучу машина кагышып кеткен.
25 Үчтүн айы 2016, 11:09
Маалыматка ылайык, каза болгон жарандардан тышкары, унаалардын ичиндеги сегиз жаран ооруканага жаткырылды.
Кадамжай аймактык ооруканасынын директору Эркин Апттазовдун берген маалыматы боюнча ооруканага жаткырылгандардын үчөө реанимация бөлүмүндө, бешөө травмотологияда дарыланууда.
Анын айтымында, реанимация бөлүмүндөгүлөрдүн арасында бир жаш баланын баш сөөгү сынган, калган экөөсүнүн баш мээси чайкалган.
Травмотологияга жаткырылгандардын арасында бирөөсүнүн акыреги сынып, калгандарынын мээси чайкалган.
