БИШКЕК, 25-янв. — Sputnik. Бүгүн Кыргызстан боюнча Нарындан башка аймактарда күн жылуу болот. Бул тууралуу Кыргызгидромет билдирди.
Маалыматка ылайык, Нарында күндүз 10 градуска чейин суук болот. Ал эми Чүй, Талас өрөөнүндө – 15, Ош, Жалал-Абад, Баткен облустарынын дыйканчылык аймактарында – 16 жана Ысык-Көлдө 8 градус жылуу болот.
Бишкек шаарында күн 14 градуска чейин жылыйт.
Өлкө аймагы боюнча жолдор тоңголок, тайгак болот. Чыгыштан соккон шамалдын ылдамдыгы секундасына 2-7 метрден, Чүй облусунун айрым жерлеринде 10-14 метрге жетет.
