БИШКЕК, 5-янв. – Sputnik. Ысык-Көл облусунун прокуратурасы Барскоон айылындагы төрөт үйүнүн дарыгери, акушерине карата козголгон кылмыш ишин тергеп бүтүп, Жети-Өгүз райондук сотко жибергенин Башкы прокуратура билдирди.
30 Жетинин айы 2015, 19:23
Маалыматка ылайык, 2014-жылдын 14-августунда аталган айылдагы төрөт үйүндө жергиликтүү тургун көз жарып, кыздуу болгон. Бирок дарыгерлер менен жең ичинен сүйлөшүп ымыркайды россиялык жаранга 50 миң сомго сатып жиберген. Мында документтердин баары чет элдик жаранга ылайыкташтырылган.
Бул боюнча Ысык-Көл облустук прокуратура көз жарган аялга, дарыгерге, төрөттү кабыл алган акушерге карата "Адам сатуу", "Адам сатууга катышуу", "Документтерди жасалмалоо" беренелеринин негизинде кылмыш иши козголгон.
Учурда аталган иш соттук кароосуна жөнөтүлдү.
