БИШКЕК, 28-дек. — Sputnik. Дүйшөмбүдөн тарта Бишкектен Жалал-Абадга учак каттай баштарын Эл аралык "Манас" аэропортунун маалымат кызматы билдирди.
Бишкек – Жалал-Абад – Бишкек каттамы боюнча жүргүнчүлөр эми ар дүйшөмбү күнү уча алышат.
Бишкектен саат 13:40та чыгып, Жалал-Абадга саат 14:45те конот. Кайта Бишкекке саат 15:25те учуп Бишкекке 16:30да келип конот.
2015-жылдын башында Транспорт жана коммуникациялар министрлигинин алдындагы Жарандык авиация агенттигинин комиссиясы Жалал-Абад аэродромун талапка жооп берер бербесин изилдеген. Текшерүү учурунда бир катар кемчиликтери айтылып, сертификатты узартуудан баш тартылган.
2015-жылдын август айында Эл аралык "Манас" аэропорту өз каражатына Жалал-Абад аэропортунун учуп-конуу тилкесин 6 миллион 207 миң 86 сомго оңдоп-түзөө иштерин жүргүзгөн. Андан кийин сертификаты берилген.
