БИШКЕК, 25-дек. — Sputnik. Каракол шаарында 10 жашар кызды бычактап өлтүрүп, анын инисин оор жарадар кылды деп шектелип аталган үй-бүлөнүн 52 жаштагы алыскы тууганы кармалды. Бул тууралуу ИИМ билдирди.
Буга чейин балдар Каракол шаарынын Горький көчөсүндө жайгашкан үйгө ууруга кирген белгисиз адамдардын колунан жабыркаганы маалым болгон. Кыз ошол эле жерден каза болуп, ал эми анын жети жаштагы иниси оор абалда ооруканага жеткирилген.
Кылмышка шектүү жаран Жети-Өгүз районунан кармалган.
Милициянын айтымында, учурда баланын абалы оор, азыр аны Бишкекке алып келе жатышат.
