БИШКЕК, 18-дек. — Sputnik. Кыргызстанга чет жактан келип иштегендердин алдыңкы сабында Кытайдын жарандары турат. Алар КРге келип иштеген башка чет элдиктерге салыштырмалуу 4 эсе көп. Бул тууралуу миграция боюнча мамлекеттик кызматы билдирди.
Кытай жарандарынын көп санда болушун миграция кызматы кытайлык ишканалардын Кыргызстанда жолдорду жана Кемин-Датка подстанциясын салып жатканы менен түшүндүрдү.
Ошондой эле, Пакистандан (225 киши), Россиядан (118 киши), Өзбестандан (106) жана АКШдан (105) келип иштегендер алдыңкы ондукка кирет.
Быйыл Кыргызстанга келип иштөө үчүн берилген 12 миң 900 квотанын негизинде, өлкө аймагына 83 чет мамлекеттин жарандары кирген.
2016-жылга карата 12 миңдин айланасында квота бөлүнүп жатканын миграция кызматы кошумчалады.
БУУнун башкы Ассамблеясы 2000-жылы 18-декабрды мигранттардын эл аралык күнү катары белгилөө боюнча резолюция кабыл алган.
