БИШКЕК, 11-дек. — Sputnik. Учурда өлкө аймагынын ашууларындагы автожолдор ачык экенин, бирок жаап өткөн карга байлыныштуу жолдор тайгак, тоңголок экенин ӨКМдин маалымат кызматы Sputnik маалымат агенттигине билдирди.
"Азыр ашуулардагы жолдор ачык. Жол кыймылына тоскоолдук жок. Кечээ, Ош – Бишкек жолунда жүк ташуучу унаа жолдун кырына токтоп калып, бир аз автотыгын пайда кылган", — деп билдирди маалымат кызматы.
Учурда транспорт министрлиги керектүү чараларды көрүп жатат.
Белгилей, кетсек, 10-декабрдан тарта өлкө аймагында кар жаап, жолдо жүрүүнү кыйындаткан.
