БИШКЕК, 10-дек. – Sputnik. Sputnik эл аралык маалымат агенттиги жана радиосу үчүн Populus британиялык белгилүү изилдөө компаниясы тарабынан жүргүзүлгөн "Sputnik.Пикирлердин" сурамжылоосунун натыйжаларын беребиз. Андагы маалыматтар боюнча, сурамжыланган Европа менен АКШнын жашоочуларынын 56 пайызы жөнөкөй жарандар өз өлкөлөрүнүн тышкы саясатына эч кандай таасир кыла алышпай турганын моюнга алышат.
Тышкы саясатка эч кандай таасир кылышпайт деп эсептеген жашоочулардын эң чоң бөлүгү Болгарияда, бул – 83 пайыз. Европанын бир катар өлкөлөрүнүн жашоочуларынын жарымынан көбү ошол эле пикирди карманышат: 55 пайыз Улуу Британияда, 65 пайыз Германияда, 51 пайыз Францияда жана 63 пайыз Польшада.
АКШда 41 пайыз жашоочулар жарандар өлкөнүн саясатына эч таасир кылбайт деп эсептешет, жана 38 пайызы тескерисинче, кантсе да чоң эмес таасир бар деп ойлошот. Болгону 14 пайыз АКШнын жашоочулары жарандардын тышкы саясатка таасири олуттуу деп эсептейт, бул ошентсе да Европага караганда дээрлик үч эсе көп.
Сурамжылоо Populus компаниясы тарабынан 2015-жылдын 25-сентябрынан 15-октябрына чейин Улуу Британия, АКШ, Германия, Франция, Болгария, Венгрия, Чехия, Польша өлкөлөрүндө жүргүзүлгөн. Иш-чарага ар бир мамлекеттен 1000ден жаран катышкан. Алар жынысы, жаш-курагы жана географиялык өзгөчөлүгү боюнча ар түрдүү топторго кирет. Ишенимдүүлүктүн 95 пайыз мүмкүндүгүн эсепке алганда ар бир өлкө боюнча маалыматка болгон ишеним +/- 3,1 пайызды түзөт.
«Sputnik.Пикирлер» долбоору тууралуу маалым кат
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт.
