Театр адамынын жүзүн талаптагыдай жасоо бул гримердун милдети. Биз бул чөйрөнү тереңирээк билүү максатында 40 жылдан бери кыргыз драма театрында гример болуп иштеп келе жаткан Гүлнар Суранчиева менен баарлаштык.
Биз барган учурда Гүлнар айым кезектеги актрисаны кечки спектаклге даярдап жатыптыр.
— Театрда иштегендер сахнага грим менен чыгары маалым. Алардын башкалардан өзгөчөлүгү кандай?
— Сахнадагы адам көрүүчүдөн бир топ эле алыс болот. Бизде жарык берүүчү аппараттар абдан күчтүү болгондуктан, театралдык гримди катуурак жана калың жасаганга туура келет. Анткени прожекторлор бат эле жеп коет. Болбосо театралдык гриммди жакындан карасаң анча жакшы көрүнбөйт.
— 40 жылдан ашык театр адамдары менен иштешсеңиз кызыктуу окуяларга көп туш болсоңуз керек?
— Гримерлук кесипти атайын окудуңузбу? Же театрга кызыгып жүрүп эле өздөштүрүп алдыңызбы?
— Мектеп курагында эле көркөм чыгармачылыкка аралашып, сынактарга катышып жүрдүм. Окууну аяктап өзүм төрөлүп-өскөн Балыкчы театрында иштеп калдым. Жолдошум дагы актер эле, бизди жетекчилик жактырып калып Тянь-Шань облусундагы музыкалык театрына кабыл алып, иштеп баштадык. 75-жылдары Бишкектеги кыргыз драма театрына которулдук. Көп өтпөй жолдошум менен ажырашып кеттим. Бир жылдан кийин апам каза болуп калды, андан соң балдарымды караган киши жок грим жасоого өттүм. Биздин учурда гастролго айлап, жылдап чыккандыктан актриса болуудан баш тартууга туура келди. Ал кезде Абылкасым деген жакшы, кыйын гример бар эле. Ошол кишиден көп нерсени үйрөндүм. Быйыл иштеп жатканыма 40 жыл болот. Бул жыл ичинде далай белгилүү актриса, актерлор менен иштештим, көбү менен табакташ да болдум.
— Актриса жагын эле аркаласам болмок экен деп өкүнгөн учурларыңыз болдубу?
