БИШКЕК, 4-дек. — Sputnik. Алымкул Үсөнбаев атындагы Мамлекеттик "Эл шайырлары" фольклордук тобу өздөрүнүн "Улуу Мурас" аттуу чоң программадагы концертин тартуулайт. Бул тууралуу Маданият, маалымат жана туризм министрлиги билдирди.
"Эл шайырларларынын" концерти 7-декабрда Улуттук филармонияда өтөт.
Анда КР эмгек сиңирген артисти Дүйшөмбек Үкүев, манасчы Самат Көчөрбаев, Эл аралык казак-кыргыз айтыштарынын бир нече жолку жеңүүчүсү, төкмө акын – Азамат Болгонбаев, аспапчы – Нурбек Серкебаев катышат. Ошондой эле белгилүү ырчылар Үч-Теректин үч кызы – Анапия, Дилбар, Лира Райымбековалар, Кылыч Бекишов, Кенже Көбөкова жана башкалар катышат.
Топту Рысбай Абдыкадыров атындагы сыйлыктын лауреаты Мурадил Сагыналиев жетектейт.
