БИШКЕК, 26-ноя. — Sputnik. Бүгүн Ала-Тоо аянтында алты миллионунчу кыргызстандыктын урматына уюштурулуп жаткан концерт учурунда айрым көчөлөр эки саатка жабыла турганын Жол кайгуул кызматы билдирди.
Маалыматка ылайык, Чүй проспектисинин Тыныстанов көчөсүнөн баштап Логвиненкого чейинки бөлүгү саат 17.00дөн 19.00гө чейин жабылып, коомдук тартипке милиция кызматкерлери көзөмөл кылат.
Алты миллионунчу кыргызстандык болуп кыз бала төрөлдү. Ал Ош шаарындагы аскер кызматкери Алмаз Кожошевдин үйүндө 25-ноябрда саат 18.12де жарык дүйнөгө келди. Учурда ымыркай менен энеси Рахат Белекованын абалы дурус экени айтылууда. Наристе 3 килограмм 870 грамм салмакта төрөлдү.
