БИШКЕК, 23-ноя. — Sputnik. Бишкектин 8-кичи районунда участкалык милиционерди өлтүрүп кеткен кылмышкерлер табыла электигин Бишкек ШИИБ билдирди.
Маалыматка ылайык, издөө иштерине ШИИБдин жеке курамы толук тартылган. Мындан тышкары, Чүй облусунун укук коргоо органдары да издөө иштерин жүргүзүүдө.
20 Жетинин айы 2015, 15:47
Өткөн бейшемби күнү саат 19.55те 8-кичи райондогу №38 үйдүн жанынан милиция кызматкерин өлтүрүлүшү тууралуу маалымат келген. Каза болгон 26 жаштагы Актилек Абдувалиев аталган аймактын тескөөчүсү эле.
Милиция тарабынан түзүлгөн кылмышкерлердин фотороботуна ылайык, биринчиси арык чырай келген 25-30 жаштардагы азиялык, бою 175-180 сантиметр., экинчиси толмочунан келген 20-25 жаш курактагы азия улутундагы жаран болгон.
Иликтөө иши ички иштер министри Мелис Турганбаевдин жеке көзөмөлүнө алынган.
