БИШКЕК, 20-ноя. — Sputnik. Жер титирөөдөн жабыр тарткандарга Ош шаарынын мэриясынын жардамы эртеңден тарта бериле баштайт.
Ош шаарынын мэри Айтмамат Кадырбаев зилзаладан жабыр тарткандарга бир күндүк эмгек акыны которуу боюнча демилге көтөрдү. Буга түштүк борбордун жергиликтүү бюджеттен айлык акы алган бардык мекеме-ишканалардын кызматкерлери кол кабыш кылмай болду.
Кырсыкка байланыштуу атайын жумушчу топ түзүлүп, жергиликтүү элдин жер титирөөдөн кийинки абалын көрүп, азык-түлүк, жылуу төшөнчүлөр жана башка керектүү жардамдар жерине жеткирилет.
Алгачкы жардамдар 21-ноябрдан баштап бериле баштайт.
Ош шаарынын мэриясы жалпы шаар тургундарын кырсыктан жабыр тарткандарга жардам берүүгө чакырды.
