БИШКЕК, 20-ноя. — Sputnik. Улуттук коопсуздук мамлекеттик комитетинин Терроризмге каршы борбору объектилерде машыгуу менен терроризмге каршы текшерүү иш-чаларын өткөрүп жатканын аталган мекеме билдирди.
Маалыматка ылайык, иш-чаралар унаа жана коммуникация, энергетика объектилеринде, министрлик жана мекемелердин административдик имараттарында жана адамдар көп топтолгон базар, соода борборлору, окуу жайларында жасалып жатат.
Машыгуулардын жыйынтыгында субъектилердин жетекчилерине, коопсуздук кызматтарга жана башка компетенттүү адамдарга объектилердин жана мекемелердин коргонуу тутумунда табылган кемчиликтерди четтетүү боюнча сунуштар берилип, сабактар жана семинарлар өткөрүлүүдө.
УКМК бул багытта текшерүү жана алдын-алуу иш-чараларын улантарын белгиледи.
