БИШКЕК, 17-ноя. — Sputnik. Бүгүн белгилүү кинорежиссер Төлөмүш Океевдин 80 жылдыгы жана Кино күнүнө карата салтанаттуу иш-чаралар өтө турганын Маданият, маалымат жана туризм министрлиги кабарлады.
Билдирүүгө ылайык, саат 11.30да Кинематография департаментинде кино жаатындагы ишмерлерге сыйлыктар тапшырылса, саат 15.30да "Манас" кинотеатрында кыргыз киносуна арналган иш-чара башталат.
Кыргызстанда Кино күнү Фрунзе шаарында кинохроника студиясы түзүлгөн 1941-жылдын 17-ноябрынан бери белгиленип келет.
