БИШКЕК, 15-ноя. — Sputnik. Бишкектеги "Орто-Сай" базарынын жанындагы баш аламан соода кылган 70 түйүн Октябрь райондук администрациясы тарабынан алынганын мэрия билдирди.
Маалыматка ылайык, аталган базарда өрт өчүрүү боюнча окуу өтүп, мекеме унаасынын өтүүсүн кыйындаткан тоскоолдуктар аныкталды.
Иш-чаранын жыйынтыгы менен базар администрациясы, бардык субъектилердин ээлери менен жолугушуу өткөрүп, комплекстин аймагындагы сооданы иретке келтирүү жана өрт коопсуздугу боюнча жалпы стандарттарды сактоо маселесин талкуулоо тууралуу чечим кабыл алынды.
Жакын арада аталган базардын аймагында бир катар ушул сыяктуу окуулар жүргүзүлүп, баш аламан соодага чек коюлары белгиленди.
"Орто-Сай" базарында 73 жеке менчиктеги субъект бар.
