БИШКЕК, 25-июль — Sputnik. Нарындын Ак-Жар айылында былтыр курулган мектеп жыл айланбай урай баштагандыгын билим берүү жана илим министри Элмира Сариева өкмөттүн жыйынында маалымдады. Анын айтымында, окуу мекемесинин курулушу жыргатпаган сапатта болгон.
"Маселен, былтыр Нарындын Ак-Жарында курулган мектеп жыл айланбай урай баштаган. Окуучулар жыл бою менчик үйлөрдө окууга аргасыз болгон. Ал эми бул боюнча жоопкерчилик Билим берүү жана илим министрлигинин мойнунда турат", — деди министр айым.
Элвира Сариева Кыргызстандагы билим берүү жайларынын дээрлик жарымы оңдоп-түзөөгө муктаж экенин белгиледи. Анын айтымында, адатта ремонт иштеринин 40 пайызын мамлекет төлөп берет, ал эми 60 пайызы жергиликтүү же эл аралык уюмдардын эсебинен жасалат.
