БИШКЕК, 10-ноя. — Sputnik. Сууга агып бара жаткан аялды куткарууга аракет кылып өзү да чыга албай калган милиционер Тынчтык Абдрахмановдун үй-бүлөсүнө материалдык жардам көрсөтүлгөнүн Sputnik агенттигине ИИМ билдирди.
Маалыматка ылайык, министрлик 100 миң сом бөлүп, ал эми Чүй облустук ШИИБ кызматкерлери бир күндүк айлык акысын которуп беришкен.
Биринчи болуп милиционерлер келишкен. Агып бара жаткан аялды куткаруу үчүн кичи сержант Абдрахманов сууга секирген. Катуу агымдан улам экөө тең өз алдынча суудан чыга алышкан эмес. 26 жаштагы милиционер менен болжол менен ошол эле курактагы аялдын сөөгү Бишкек — Кемин унаа жолунун 59-чакырымында каналдын бүткөн жеринен табылган.
Абдрахманов укук коргоо органдарында 2013-жылдан бери эмгектенип келген. Артында аялы жана эки баласы калды.
