Окумуштуулар биринчи жолу бейтапты ак кандын оор түрүнөн айыктырышты

© Sputnik / Владимир Вяткин / Медиабанкка өтүүКан анализи. Архив
Кан анализи. Архив - Sputnik Кыргызстан
Жазылуу
Улуу Британиянын дарыгерлери гендик терапиянын негизинде бир жашар кызды айыккыс деп эсептелген ак кан оорусунан сакайтышты. Наристенин организми инфекциялардан коргонуу үчүн "бөлөк" иммундук клеткалар менен пайдаланууну үйрөндү.

БИШКЕК, 8-ноя. — Sputnik. Британиялык медиктер дүйнөлүк медициналык тажрыйбада гендик терапия технологиясынын жардамы менен ак кандан айыккан учур тууралуу жар салышты. Бул тууралуу Nature журналы билдирди.

"Биз биринчи тесттерди 10-12 кишиден турган ыктыярчылар менен эмдиги жылы баштайлы дегенбиз. Бирок буга чейин эч нерсе жардам бере албаган ымыркай тууралуу укканда бул тажрыйбага атайын уруксат алдык. Жети ай өттү, учурда наристенин абалы дурус", — деди Лондондогу госпиталдык дарыгери Васим Касим.

Операция лампасы. Архив - Sputnik Кыргызстан
Кыргызстанда өпкө рагына эркектер аялдарга караганда көп кабылат
Касимдин айтымында, гендик терапия ак кандан биротоло арылтпайт, болгону дарыгерлер жүлүн алмаштырууга туура келген талапкер тапкычакты бейтаптын өмүрүн сактап турат.

Мында кичине кызга Т-клеткаларга кирүүгө жөндөмдүү вирус жардам берди. Аталган клеткаларды иштеп чыгып, британиялык биологдор кыздын өзүнүн иммундук клеткаларын жоготуп туруп, аны канына куйган. Басылма бул эксперименттин ийгиликтүү ишке ашышы адамзат тарыхында гендик инженериянын оору менен күрөшүүдө пайдаланылган экинчи учуру экенин белгилейт. 

Тажрыйбаны ишке ашыргандар бул процедурадан өткөн ВИЧ оорулуулар антиретровирустук дары-дармек ичпей, иммунодефициттен жабыр тартпай калганын маалымдашты. 

Жаңылыктар түрмөгү
0