Эхинококкоз дартынын алдын алуу боюнча китептер жарык көрдү

© AFP / VYACHESLAV OSELEDKOЖайлоодо. Архив
Жайлоодо. Архив - Sputnik Кыргызстан
Жазылуу
Брошюралардын көпчүлүгү Ден-соолукту чыңдоо республикалык борборуна берилип, Айылдык ден-соолук комиттеринин күчү менен 2016-жылы ѳтѳ турган маалымат кампаниясынын алкагында элге таркатылат.

БИШКЕК, 8-ноя. — Sputnik. Эхинококкоз дартынын алдын алуу максатында сүрөттөлүп көркөмдөлгөн китепчелер жарыкка чыкканын Айыл чарба жана мелиорация министрлиги билдирди. 

Маалыматка ылайык, китепчелер эки тилде чыгып, чоңдорго жана кичинекей балдарга арналган. 

Кыргызстанда иттер эхинококкозго каршы эмделип жатат
Китепчелердин жалпы нускасы 580 миң даананы түзөт. Мында кыргыз тилинде 450 миң китеп болсо, орус тилинде 180 миң нуска жарык көргөн. 

Брошюраларды чыгаруу үчүн "Мал чарбасын жана рынокту өнүктүрүү-1" долбоору тараптан 3 миллион сом каражат сарпталган. Аталган долбоорду Айыл чарба жана мелиорация министрлиги ушу тапта ишке ашырып жатат. 

Китепчелер Айыл чарба долбоорлорун ишке ашыруу бөлүмү тарабынан иштелип чыгып, Саламаттыкты сактоо министрлигинин алдындагы Эксперттик кеңеш тарабынан бекитилген. 

Кыргызстанда жылына миңдеген жарандар эхинококк ыйлаакчаларын операция жасатып алдыруу үчүн хирургдарга кайрылышат. Эхинококкоз менен ооруган адамдын боорунда, өпкөсүндө, мээсинде ыйлаакчага окшош эхинококктун личинка формасы пайда болот. Эхинококкоздун өзгөчөлүгү анын көп жылдар бою клиникалык белгилеринин сыртынан билинбей өсүшүндө — качан гана ыйлаакчалар чоңойгондо оорулуу өзүн жаман сезип дарыгерге кайрылат. 

Жаңылыктар түрмөгү
0