БИШКЕК, 5-ноя. — Sputnik. Марат Кенжесариев Коргоо иштери боюнча мамлекеттик комитетинин башчылыгына дайындалганын өлкө башчынын маалымат кызматы билдирди.
Президент Алмазбек Атамбаев тийиштүү буйрукка бейшемби күнү кол койду.
Жогорку Кеңеште ошол эле күнү өкмөттүн жаңы структурасы бекиди, ага ылайык, Коргоо министрлигинин ордуна Коргоо иштери боюнча мамлекеттик комитет пайда болду.
Өлкө башчы шейшемби күнү Коргоо кеңешинин катчысы Темир Жумакадыровду кабыл алып, аскер реформасын ишке ашыруу үчүн Коргоо министрлигинин статусун жаңы функцияларга ылайык алмаштыруу керектигин белгилеген.
