БИШКЕК, 5-ноя. — Sputnik. Россиянын президенти үчүнчү жолу Forbes версиясы боюнча дүйнөнүн эң абройлуу адамы деп аталды.
Төртүнчү орунду болсо үч жыл катары менен Рим папасы ээлеп, анын аркасында КЭРдин төрагасы Си Цзиньпин турат. Ал мурда дүйнөнүн эң беделдүү үч адамынын катарына кирген.
Россия президентинин маалымат катчысы Дмитрий Песков Forbes рейтингинин жыйынтыгы туурасында Путин биле электигин айтты.
"Азырынча билбейт. Бүгүн иши абдан көп", — деди Песков.
Россиянын лидери шаршембиде Эл биримдиги күнүнө карата Кремлде өткөн салтанатта сыйлыктарды тапшырып, активдүү жарандардын "Коомчулук" форумуна катышкан, ошондой эле Минин менен Пожарскийдин эстелигине гүл койгон.
Журналдын редакторлору эмне үчүн АКШ президенти биринчи жолу алгачкы эки орунду башкаларга алдырып койгонун чечмелеп беришти.
"Барак Обаманын дүйнөдө таасири мокоп бара жатканы анын президенттик мөөнөтү аяктарына бир гана жыл калганы менен байланыштуу. Өлкөнүн ичинде анын рейтинги мурдагыдай эле 50 пайыздан төмөн бойдон сакталууда, Европада андан Ангела Меркель озуп кетсе, Жакынкы Чыгышта аны Владимир Путин артка таштады", — деп жазган басылма.
Forbes редактору Луиза Кролл АКШнын президентинин бедели өлкөнүн ичинде да, дүйнө боюнча да төмөндөп кеткенин, бул анын таасири мокоп бара жатканын гана көрсөтөрүн CBS телеканалынан билдирген.
Forbes редактору Рэндалл Лейн Independent гезитине берген комментарийинде дүйнөлүк үстөмдүк кылуу түзүмүндөгү өзгөрүүлөр жаңы рейтингге таасир кылды деген.
"Акыркы он жылда бийлик Батыш жакта акырындап алсырап, Чыгышта күч алып бара жатканы анык болду", — деди ал.
Forbes версиясы боюнча дүйнөнүн эң таасирлүү адамдарынын рейтинги жети жыл катары менен жарыяланып келет.
