Forbes журналы YouTube сайтында эң көп акча тапкан видеоблогерлерди атады

© flickr.com / Esther VargasYuTube сайтынын логотиби. Архив
YuTube сайтынын логотиби. Архив - Sputnik Кыргызстан
Жазылуу
Сайтка видео жарыялаган блогерлердин эң азы 2,5 миллион доллар тапса, эң көп алгандары 12 миллион долларга чейин табышат.

БИШКЕК, 17-окт. — Sputnik. Швециялык видеоблогер Феликс Кьелльберг YouTube сайтындагы баракчасына жазылган 40 миллион колдонуучу менен биринчи орунда турат. Ал видео оюндар жөнүндөгү материалдарынан 12 миллион доллардан ашык каражат тапканын Forbes журналы жазып чыкты.

Рейтингди түзүүдө авторлордун 2014-жылдын июнь айынан 2015-жылдын июнуна чейинки убакыт ичинде тапкан кирешелери эске алынган.

YouTube в США не будет удалять кинокартину Невинность мусульман - Sputnik Кыргызстан
Жыл аягына чейин YouTube сайты акы төлөп колдонуу кызматын киргизет
Экинчи орунда куудул достор Йен Хэкокс менен Энтони Падилла турат. Алардын YouTube сайтында беш каналы бар. Алардын бирөө испан тилинде. Алар өз аракеттери менен 8,5 миллион доллар тапкан. Ошондой эле, ага-ини Рафи менен Бэнни Файн да экинчи орунда турушат.

Андан кийинки орунда кыл кыяк чертип жана бийлеген артист Линдси Стирлинг турат. Ал өз видеолорун 2007-жылдан бери YouTube сайтына жайгаштырып келет. Дал ушул жылы ири компания аны менен келишим түзүүдөн баш тарткан. Ал өз видеолорун сайтка жайгаштыруу менен алты миллион табат.

Андан тышкары куудулдар Rhett & Link 4,5 миллион доллар, визажист Мишель Фэн үч миллион доллар табат. Ал эми ашпозчу Розанна Панзино 2,5 миллион доллар иштеп тапкан.

Жаңылыктар түрмөгү
0