БИШКЕК, 4-ноя. — Sputnik. Көчөдө калган 81 баланын 11и кайырчылык менен алектенери мэрия тарабынан жүргүзүлгөн рейд учурунда белгилүү болду.
Рейдге райондук администрация кызматкерлери, ШИИБ, ИИМ, социалдык өнүгүү, билим берүү жана саламаттык сактоо башкармалыгынын өкүлдөрү катышты.
Иш-чаранын жүрүшүндө кароосуз калган 81 бала аныкталып, анын 34ү иштей турганы белгилүү болгон. Дагы 11и кайырчылык менен күн көрүп келсе, 29 бала компьютердик клубдан табылган. Төртөө көзөмөлсүз калганы аныкталып, бир бала жоголуп кеткен, дагы эки балынын окубай калганы ачыкталган.
Алар менен сүйлөшүп, түшүндүрүү иштерин жүргүзгөндөн кийин 73 бала ата-энесине кайтарылды. Калганы ИИМ алдындагы мыйзам бузуунун алдын алуучу борборго жөнөтүлдү.
Мында 29 бала ички мигранттардын балдары экени маалым болду.
