БИШКЕК, 4-ноя. — Sputnik. Бишкек шаарынын жолдорун реконструкциялоо тез арада аякташы керектигин борбор калаанын мэри Кубанычбек Кулматов чогулушта билдирди.
Маалыматка ылайык, жыйында Садыгалиев, Патрис Лумумба, Орозбеков, Безымянный көчөлөрүнүн жана Чүй проспектинин Лермонтовдон баштап Ауэзов көчөсүнө чейинки бөлүгүндөгү жол куруу жана оңдоо иштери талкууланды.
Кулматов капиталдык курулуш башкармалыгына мезгилдик өзгөчөлүктөрдү эске алуу менен жолдордун ремонт иштерин тез арада бүткөрүүнү тапшырды. Ал эми "Бишкексвет" ишканасына Ауэзов менен Жукеев-Пудовкин көчөлөрүн жарыктандыруу маселесин койду.
Мындан тышкары, жыйында жарандардын кайрылуусу каралып, шаардагы тартиптин абалы талкууланды.
