БИШКЕК, 4-ноя. — Sputnik. Жер шарында 3-ноябрдан тарта магниттик бороон башталды. Бул тууралуу Россиянын Гидрометеорология жана айлана-чөйрөгө мониторинг кылуу федералдык кызматы билдирди.
"Москва убактысы боюнча саат 10.30да Күн планетасынан бөлүнүп чыккан магниттик бороон Жер шарынын орбитасына келди. Анын ылдамдыгы секундуна 600 чакырымга чейин жетти. Магниттик бороондун башталганы катталды", — деп айтылат билдирүүдө.
Буга чейин россиялык окумуштуулар 29-октябрда Күндөн ылдамдыгы секундуна 500 чакырымга жеткен жарылуу болгонун катташкан. Адистер магниттик бороон жерге 1-ноябрда жетет деп болжошкон.
