Табияттын өзгөрүүлөрү дайыма күтүүсүз болот. Мына, борбор калаанын тургундары да жылуу кийимдерин каткан жерлеринен шашылыш алып чыгып, автосүйүүчүлөр темир тулпарларынын дөңгөлөгүн алмаштырып жатса, жалгыз гана кичине балдар алгачкы карга кубанууда.
Метеорологиялык кызматтын алдын ала маалыматына караганда, ноябрдын башында өлкөнүн тоолуу аймактарында абанын температурасы —10 градуска чейин төмөндөйт. Жер-жерлерде жаан жаап, карга айланат. Ысык-Көл, Нарын облустарында 6 градуска чейин аяз болуп, Чүй жана Талас облустарында —2 градуска жетет. Ош, Жалал-Абад, Баткен облустарында 6 градус жылуу болот.
Кар дүйшөмбүгө караган түнү жаады
Саргарып калган талаа гүлдөрүн бубак басып…
… розалар болсо башын ийип, бирок көркүн жоготкон жок
Шаар кызматтары шашылыш түрдө розаларды кыйып, кышкы сууктан жерге жашыра баштады
Жумшак кар каптаган балатылар эки айдан кийин кыштын эң башкы майрамы бизди күтүп турганын эске салды
Темир күлүк ээлери жайкы "такаларын" кышкыга алмаштырса болот
Бишкектик селкилер пальто кийип, жылуу моюн орогучтарын алып чыгышты
Дарактардын алтын сыргалары күбүлүп бүтө элек, айрымдарында жалбырак дагы эле жашыл бойдон
Египеттен кулап түшкөн Россиянын учагында курман болгондорду эскерүү дубалчасындагы оюнчуктар эми кичинекей колдор аларды кучактап бооруна кыспай турганын сезгендей ак кар алдында капалуу
Түшкө маал кыштын алгачкы белгилери жоголо баштады…
…кичине балдар болсо көптөн күткөн кар менен ойноп жатышат.
