БИШКЕК, 2-ноя. — Sputnik. Бүгүн Кыргызстандын көпчүлүк аймактарында мезгил-мезгили менен жаан жаап, ал карга айланат. Зымдарга жана бактарга суу кар жармашат. Бул тууралуу "Кыргызгидромет" билдирди.
Бүгүн күндүз абанын температурасы кескин төмөндөп, Чүй, Талас облустарынын дыйканчылык аймактарында жана тоо этектеринде —2 градуска чейин жетет.
Ал эми Ысык-Көл, Нарын облустарында —1 градус сууктан —10 градуска чейин суук болот.
Тоолуу аймактардын автожолдорунда кар күрткүсү пайда болуп, жолдор тайгак болот. Кээ бир райондордо батыштан соккон шамалдын ылдамдыгы секундасына 18-23 метрге чейин жетет.
Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
