БИШКЕК, 27-окт. — Sputnik. Президент Алмазбек Атамбаев кечээ, 26-октябрь күнү адам өмүрүнө забын болгон жер титирөөгө байланыштуу Афганистан жана Пакистан мамлекеттеринин башчыларына көңүл айтты. Бул тууралуу өлкө башчынын маалымат кызматы билдирди.
26-октябрда эки өлкөдө жергиликтүү убакыт боюнча саат 14.09да (Бишкек убактысы боюнча 15.09) күчү 7,5 магнитудага жеткен жердин силкинүүсү катталган. Андан Пакистанда 275, ал эми Афганистанда 90 киши каза болгон.
Атамбаев өзүнүн жана жалпы кыргыз элинин атынан каза болгондордун жакындарына көңүл айтып, аза кайгысын тең бөлүшөрүн билдирип, жабыркагандардын тез аранын ичинде сакайып кетишин каалады.
