БИШКЕК, 17-окт. — Sputnik. Шаар тургундарына жылуулук берүү аба ырайына байланыштуу экендигин Бишкек мэриясы билдирди.
Мэриянын маалыматына ылайык, абанын орточо суткалык температурасы катары менен беш күн аралыгында +8 градустан төмөн болгон учурда гана жылуулук берилип баштайт.
Ал эми орточо суткалык температурасы катары менен беш күн катары менен +8 градустан жогору болгон учурда жылуулук берүү токтотулат.
"Бишкекжылуулукэнерго" коммуналдык ишканасы, "Бишкекжылуулуктармагы" жана Бишкек шаарынын жылуулук электр борбору кыш мезгилине даяр.
