Жатакананын жоктугунан музыкалык мектептин студенттери окуусун таштоого аргасыз

Жазылуу
Министр менен жолугушуу учурунда окутуучу менен студенттер үчүн стажировканын аздыгы, айлык акынын төмөндүгү белгиленип, жетекчилик музыкалык окуу жайдын статусу талапка жооп бербей турганын кошумчалады. Мындан тышкары, музыкалык аспаптардын, негизинен роялдын жетишпей тургандыгы айтылды.

БИШКЕК, 9-окт. — Sputnik. Мураталы Күрөңкөев атындагы музыкалык училищеде жатакананын жоктугунан студенттер окуусун таштоого мажбур болуп жатканын окуу жайдын директору Тентимиш Мураталиев билдирди.

Ижарага берүү жөнүндө жазуу. Архив - Sputnik Кыргызстан
Жатакана бөлмөсүн мыйзамсыз ижарага берүүдөн 2 млн. сом зыян келтирилген
Маалыматка ылайык, Маданият, маалымат жана туризм министри Алтынбек Максутов министрликтин алдындагы окуу жайларды кыдырып, аталган училищенин эмгек жамааты менен жолукту.

Министр имаратка жасалган косметикалык ремонттун сапатын көрүп, окуу жайдын класстары, залынын абалы менен таанышты. 

Жолугушуу учурунда окутуучу менен студенттер үчүн стажировканын аздыгы, айлык акынын төмөндүгү белгиленип, жетекчилик музыкалык окуу жайдын статусу талапка жооп бербей турганын кошумчалады. Мындан тышкары, музыкалык аспаптардын, негизинен роялдын жетишпей тургандыгы айтылды.

"Жатакананын жоктугунан көп студенттер окуусун таштоого аргасыз болуп жатат", — деди директор. 

Жолугушуунун соңу менен Максутов бардык жетишпеген аспап жана башка көйгөйлөрдү чечүү үчүн тийиштүү адистер ырааттуу иш алып барарын убадалады. 

Жаңылыктар түрмөгү
0