БИШКЕК, 9-окт. — Sputnik. Кыргызстандын көпчүлүк тоолуу аймактарында дем алыш күндөрү кар жаай турганын Кыргызгидромет билдирди.
Маалыматка ылайык, Чүй, Талас, Ош, Жалал-Абад жана Баткен облустарынын айрым жерлеринде жаан, тоолуу райондордо кар жаашы күтүлөт.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетээри болжолдонууда.
Бүгүн, 9-октябрда Чүй өрөөнүндө күн +35 градуска чейин ысыйт. Ал эми Ош, Жалал-Абад жана Баткен облустарынын дыйканчылык аймактарында күндүз +33 градуска чейин жогорулайт.
