БИШКЕК, 4-окт. — Sputnik. Бишкек шаарынын Ленин районундагы № 1032 шайлоо участкасына добуш берүү үчүн келген эки жаранга автоматтык система кечээ, 3-октябрда добуш бергени боюнча маалымат берген. Бирок шайлоочулар мөөнүтүнөн мурда добуш берүү боюнча эч кандай арыз менен кайрылышпаганын жана добуш да бербегенин айтышкан. Бул тууралуу КР Акыйкатчы институту билдирди.
Маалыматка ылайык, шайлоо комиссиясынын мүчөлөрү аларга кайтадан бюллетень беришкен.
Андан сырткары, Бишкек шаарынын Свердлов районундагы №1023 шайлоо участкасында башкы сервер эртең мененки саат 8.00дөн 10.00гө чейин иштебегенин Акыйкатчы институтунан кошумчалашты.
Акыйкатчынын аппараты шайлоонун жүрүшүнө байкоо жасап, жарандардын укуктарынын сакталышына көз салууда.
Шайлоонун жүрүшүн онлайн тартибинде бул жерден окуңуздар.
