БИШКЕК, 4-окт. — Sputnik. Кыргызстан боюнча эч кандай байланышы жок 51 жана байланышы начар 22 участjок аныкталганын Борбордук шайлоо комиссиясы билдирди.
Маалыматка ылайык, бул тууралуу шайлоо участкаларын тестирлеп жана Мамлекеттик байланыш агенттиги менен сүйлөшүүлөрдөн белгилүү болгон.
БШК мындан улам аталган аймактардагы шайлоонун жүрүшү тууралуу маалымат кечиктирип берилерин белгилейт.
Бүгүн, эртең мененки саат 8.00дө Кыргызстанда парламенттик шайлоодо добуш берүү башталды. Анда 14 саясий партия ат салышууда. Жалпы республика боюнча 2374 шайлоо участкасы иштейт.
