БИШКЕК, 1-окт. — Sputnik. Атасынын аңчылык кылган куралынан атынып өлдү делинген мектеп окуучусу боюнча сот-медициналык экспертиза дайындалганын Бишкек шаардык милициядан билдиришти.
Каргашалуу окуя шаршемби күнү кечинде болгон.
Милициядан билдиришкендей, баланын апасы жумуштан келгенден кийин уулунун жансыз денесин үйдүн короосунан тапкан. Маалыматтарга ылайык, 7-класстын окуучусу үйдө жалгыз болгон. Ал сейфтеги атасынын 12-калибирлүү аңчылык куралын өз алдынча куроого аракет кылып жатып, атынып алган.
"Сейф ачык болгонбу, же аны бала өзү ачып алганбы учурда милиция текшерип жатат. Андан сырткары, сейфте түтүн чыгаруучу шашка болгон", — деп шаардык милициядан билдиришти.
Ал ортодо билим берүү жана илим министри Элвира Сариева өзүнүн Facebook социалдык тармактагы баракчасына ата-энелерди үйдө курал-жарак сактабоого чакырды.
Дорогие родители, НЕ храните оружие дома.
Posted by Elvira Sarieva on 30 сентября 2015 г.
14 жаштагы бала Бишкек шаарындагы №31 мектептин окуучусу болгон. Аталган мектептен билдиришкендей, ал абдан жакшы окуучу. Болгон окуяны алар кокустук деп айтышты.
