БИШКЕК, 29-сен. — Sputnik. Экономика министрлиги "Альфа-Телеком" жабык акционердик коомунун 100 пайыз акциясын коммерциялык сынакка коюуну сунуштап жатканын аталган мекеме билдирди.
Маалыматка ылайык, коммерциялык сынакта менчиктештирилүүчү объектиге карата милдеттемелер бекитилет. Бардык милдеттемелерди кабыл алуу менен эң жогорку баа сунуштаган жак сынактын жеңүүчүсү деп табылат.
Мындай ыкманын кадимки аукциондон айырмасы — объект менчиктештирилгенден кийин милдеттердин аткарылышы көзөмөлдөлөт. Келишимде көрсөтүлгөн талаптар аткарылбаса, сот чечими менен сатуу жана сатып алуу келишимин жокко чыгаруу мүмкүнчүлүгү сакталат.
