БИШКЕК, 26-сен. — Sputnik. Өлкө аймагында дүйшөмбү күнү, 28-сентябрда тоолуу райондордо кар жаап, кээ бир аймактарда батыштан соккон шамалдын ылдамдыгы секундасына 17-22 метрге жетет. Бул тууралуу Кыргызгидромет билдирди.
Маалыматка ылайык, тоолуу аймактарда абанын температурасы —5 градуска чейин төмөндөйт.
Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин оорлотуп, жайыттарда мал кармоону кыйындатат.
Ал эми 29-30-сентябрда Талас, Кемин өрөөндөрүндө, Чүй облусунун тоо этектеринде жана Ысык-Көл ойдуңунун чыгышында абанын температурасы —1…-3 градус болуп, үшүк жүрүшү күтүлөт.
