БИШКЕК, 15-сен. — Sputnik. Өспүрүмдөрдүн футбол боюнча улуттук командасынын мыкты күйөрманы тандала турганын Футбол федерациясы билдирди.
Сынак Азия чемпионатына карата өтө турган U-16квалификациялык оюндардын алкагында өткөрүлөт.
Маалыматка ылайык, анын шарты эң жөнөкөй: федерациянын Instagram баракчасына жазылып, #bestfanKG #акшумкар хештеги менен өз аккаунтунда футболго арналган сүрөтүн жайгаштыруусу керек.
Жеңүүчү Долон Өмүрзаков атындагы стадиондо 16, 18 жана 20-сентябрь күндөрү өтө турган U-16 квалификациялык оюндардын аякташы менен жарыяланат. Федерация мыкты күйөрманды жагымдуу белек күтүп жатканын белгилейт.
Бишкектин оюн талаасында Кыргызстан, Оман, Иордания жана Непалдын курама командалары беттешет.
