БИШКЕК, 13-сен. — Sputnik. Кыргызстандын футбол боюнча курама командасы "В" тайпасында экинчи орунга чыгышы ыктымал экендигин Австралиянын улуттук командасынын башкы машыктыруучусу Ангелос Пастекоглу билдирди.
Мындай пикирин машыктыруучу Душанбеде өткөн Тажикстан менен Австралиянын беттешүүсүнөн кийин айткан.
Пастекоглунун айтымында, австралиялыктар эми Иорданиянын командасы менен ат салышат.
"Биз албетте, биринчи орунду камсыздоо үчүн утканга аракет кылабыз. Кыргызстандыктар бизден утулуп калганы менен мыкты оюн көрсөтүштү. Эгер кыргыз футболчулары кийинки оюнда жеңишке жетишсе, тайпада экинчи орунга жетиши мүмкүн", — деди ал.
Октябрь айында кыргызстандык футболчулар өз талаасында Тажикстан менен Бангладештин командаларын кабыл алышат. Оюндар Бишкектин борбордук стадионунда өтөт. Ал эми 12-ноябрда Австралиянын Канберре шаарында жергиликтүү футбол командасы менен беттешери күтүлүүдө.
